COMIC LAUNCHING: AKO SI PEDRO
Apr. 23, 2025 10:30 AM
STUDENT ACTIVITY: COMIC LAUNCHING: AKO SI PEDRO
"Ako si Pedro"– isang kwento ng inspirasyon at tagumpay. Sa pagbubukas ng bagong kabanata sa kasaysayan ng La Trinidad Academy, inanyayahan tayo ng mga piling mag-aaral mula sa baitang 10, na mas kilalanin ang taong nasa likod ng ating paaralan—si Sir Pedro Trinidad.
Mahigit na isang taon ang ginugol ng mga mag-aaral upang mabuo ang komiks na ito, sa patunay mismo ni Bb. Cristalyn Zuño—isang patunay ng kanilang dedikasyon at pagmamahal sa kwento ni Sir Pedro.
"Ang komiks na ito ay hango sa librong isinulat ni Sir Pedro Trinidad na pinamagatang "Sir Pedro and the Sierra Madre". Ang aklat at maging ang komiks ay nagsasalaysay ng naging buhay ni Sir Pedro. Mula kabataan hanggang sa makabuo siya ng pamilya. Mula sa kahirapan hanggang sa makamit niya ang kanyang mga pangarap. Mula sa kanyang buhay sa Sierra Madre hanggang maitatag niya ang La Trinidad Academy.
Nang mabasa ko ang libro ni Sir Pedro, sobra akong na-inspire at talagang nakaka-hook basahin. Para siyang isang magandang kdrama na once sinimulan mong panoorin, hindi mo na mapipigilan dahil sa ganda ng kwento. Nakaka-antig kung paanong mula sa hirap, unti unting umangat sa buhay si Sir Pedro, gamit ang sipag, tiyaga, dedikasyon, magandang kalooban, at kanyang talino. Kaya naman talagang nagsumikap kami na mabuo ang komiks na ito upang maibahagi ang kanyang kwento lalo na sa mga nakababatang estudyante."- mula sa pambungad na salita ni Jaden Regala - 10 Diamond
Tuklasin kung paanong ang isang simpleng batang lumaki sa Sierra Madre ay naging haligi ng edukasyon, gamit ang sipag, tiyaga, at talino. Basahin ang komiks na "Ako si Pedro", hango sa aklat na Sir Pedro and the Sierra Madre.
Basahin ang buong comic dito:
https://www.lta.edu.ph/memo (i-click lang ang download icon) or SCAN ang QR code na nasa video.
Subscribe
LATEST NEWS & EVENTS
